藝人關寶慧（Emily）前晚盛裝亮相「天馬周年晚宴」，於場內與好友李蕙敏、湯寶如、袁潔瑩、江美儀及老闆黃百鳴齊齊敍舊。問到她可有與黃百鳴談合作？Emily透露有意寫親情及時事有關的劇本：「近來爸爸入咗院，情況唔太順利令我有感而發，想寫嚴肅啲題材，寫吓親情戲。」
她又大讚黃百鳴思想開明：「佢思想好open去接受任何題材同budget，有求必應！（想做導演或監製？）我想sell故事同演埋一份！」
