楊千嬅做囝囝粉絲
楊千嬅昨日出席親子跑步活動時表示平日由她負責囝囝Torres的戶內活動，丈夫丁子高則負責戶外，她說：「我會帶囝囝去打波、上堂，親子活動可以了解多啲。2015年好多工作，少咗了解，但囝囝好識性。見佢打到觔斗，我就會好似fans咁拍手，個仔都會有自信啲。佢爹哋就帶佢行山跑步，我做媽咪嘅都係keep番個fans樣好啲，爹哋就man啲。」
千嬅謂囝囝很喜歡跳舞，更模仿爸爸之前的組合VRF。問到今年可會減產，她說：「做完唱片後會放吓假，過咗農曆新年後先再工作，今年接咗個電影嘅project，依家想照顧個仔先。（你咁忙囝囝有冇投訴？）好彩聖誕新年都陪到佢，做明星媽咪要好好平衡。」
同場的歐陽妙芝就帶同長子參加親子跑步，她透露報名學鋼管舞，她說：「想挑戰自己，今個星期就會上第一堂。（畀驚喜老公？）畀驚喜自己，提自己唔可以有半點肥膏喺身上。」