秋生歌癮起 密謀出碟開騷
黃秋生、羅霖及邵仲衡等前晚到九龍站出席活動，集影帝、舞台劇帝與視帝於一身的秋生，日前在樂壇頒獎禮開金口，好評如潮，他說今年想做與音樂有關的工作：「今年想搞音樂，可能係音樂會，但未知有冇時間。（出碟再做歌手角逐頒獎禮？）唔好喇，幾十歲，不過都係時候出隻碟。（捍衞廣東歌？）主要會係廣東歌，但都有國語，香港係兩文三語嘅地方。」他又讚奪男歌手金獎的張敬軒：「軒仔好嘢！（同佢慶祝？）唔使，佢陸續有嚟，愈來愈旺。」
羅霖向前夫追衣物
帶10歲兒子Jonathan現身的羅霖說：「之前同啲仔倒數迎新年，過幾日去上海剪綵，又要傾生意同工作。（家庭負擔大，要開源？）係，必須嘗試多方面工作同投資，照顧屋企開支多，壓力大。（同前夫劉坤銘就三個仔嘅學費問題解決未？）星期一（今日）律師會幫手搞，小朋友都覺得唔合理。我亦想律師幫我攞番我嘅衫、鞋等私人物件，但對方要我提供相關單據。」
邵仲衡則鼓勵任工程師的同母異父細佬Lionel追徐子珊，他謂：「徐小姐好，我有叫佢追啦。（細佬有咩行動？）唔知，佢有佢諗法，佢好耐之前有講過徐小姐，但佢唔知人哋係香港小姐。」
文：影視組