張家瑩開竅 重拾童真笑開懷
前亞姐張家瑩（Grace）昨日32歲生日，獲父母、好友黎曉靈及裕美等舉行生日派對。Grace更將照片放上社交網開心share，並表示：「以往都冇搞生日派對，因為怕唔好意思，今年可能受Kimmy（黎曉靈）影響，發現原來自己快樂，其他人都會為我而高興。」派對中Kimmy與裕美設計了不少遊戲，令眾人玩到變花臉貓：「有個遊戲叫把冰山劈開，用麵粉砌成冰山，上面放粒糖，逐個人用手撥開啲麵粉，如果粒糖跌落嚟就輸，最後大家玩到失控，搞到滿臉麵粉，仲有踩波波遊戲，輸咗要畫臉。」
此外，Grace將出發往菲律賓作慈善探訪，其好友正斗老闆何先生送上大量麵食作禮物，好讓她帶到菲律賓送給小朋友。