小方半夜謝票 阿Bob追90萬主持費

方力申今年想接一些要多付出的電影，Stephy則希望拍文藝片。

被嘲露體狂

昨晨小方與Stephy到維園出席工展會活動，兩人分別帶同五位Nuts籃球隊成員及五位Loey排球隊成員到場，小方表示前日為《紀念日》連環進行12場謝票，很高興跟粉絲見證破千萬票房，但Stephy前日因腸胃炎缺席，問小方如何安慰女友？他說：「做埋佢嗰份囉！謝票到半夜兩點，幾攰但開心，遲啲仲會搞慶功宴，仲有要多謝Bob（林盛斌）做足12場司儀，你知佢收幾貴(口架)啦。」問小方會否騷肌露股答謝粉絲？他笑言：「交畀Bob露兩點啦！佢話自己兩點好值錢，我就成日都甫（半裸）相上網，Stephy話我露體狂。」

此外，Bob昨日在微博笑言要向《紀念日》導演葉念琛追數：「即係咁，一日內12場《紀念日》謝票，主持足咁多場，計番你八皮嘢一場，總共九十六萬，零頭唔計，友情價九十萬，你開畫幾日已經收過千萬票房，呢度濕濕碎，唔該星期一前搞掂條數佢！」

小方和Stephy獲粉絲送上紙杯蛋糕。

葉念琛（左起）、小方、盛朗熙及Bob四出謝票。