葉問打出4千萬票房 張晉想收大利是

《葉問3》的香港票房昨日衝破4,000萬，老闆黃百鳴率演員張晉和譚耀文到旺角朗豪坊的戲院謝票，黃百鳴受訪時稱該片在東南亞成績理想，更打破馬來西亞華語片票房紀錄。

譚耀文硬銷哥哥

張晉未因《葉問3》大收而渴望公司分紅，他說與黃百鳴合作很高興：「花紅唔可以亂分，傾合作嗰陣冇話好（票房）就分，我會要求派利是。（下次拍黃百鳴電影事先傾好要分紅？）老闆對演員好好，希望可以再有呢個緣分。」張晉又表示今次能與甄子丹共譜「詠春正宗」感開心，不過對未能與拳王泰臣交手而覺遺憾：「佢拳頭大我兩倍，個頭又大我兩倍，不過佢拳頭好有威力，為套戲生色不少。」

（前左起）張晉、黃百鳴、譚耀文 黃百鳴昨日率張晉和譚耀文到戲院謝票。	譚耀文希望可演出歌舞劇。	張晉（左）在《葉問3》中表現出色。

譚耀文笑言導演葉偉信因新片成績好而開心到唔想見人，笑稱他密謀構思葉問下個對手：「泰臣都打埋，仲有咩打？（打出太空？）唔知請唔請得起喎！我阿哥平啲！佢都係識詠春，我介紹過佢同子丹認識，（見面黐手？）冇，握手啫。」

黃百鳴恨「獨食」

提到《葉問3》在內地於3月才上畫，黃百鳴稱這是內地發行商的意思：「擺喺3月一個冇乜對手嘅檔期上，獨食會好啲。」他又表示若開第四集應要準備充足，以保持水準。

文：影視組