超蓮熱捧阿嬌 闖後台玩集郵

組合Twins於紅館舉行一連五場演場會《#TWINS#LOL#LIVE IN HK演唱會》，前晚舉行第三場，全場爆滿，氣氛持續熱烈。Twins繼續換上多套彩色性感歌衫，與一班dancers勁歌熱舞。當晚撐場的藝人名人眾多，包括徐小鳳、古巨基、何超蓮、薛凱琪、鍾舒漫、周國賢，王敏奕、張智霖、袁詠儀等，星光熠熠。

睇埋尾場

何超蓮帶同一班女友人到場，睇騷期間，超蓮表現雀躍，跟朋友大玩自拍，還帶朋友到後台跟蔡卓妍（阿Sa）和鍾欣潼（阿嬌）集郵。雖然阿嬌曾跟超蓮前男友吳克羣傳緋聞，但當兩人碰面時均表現得友好。及後超蓮在微博留言寫道：「充滿回憶的一晚，我是超級粉絲，哈哈哈哈，硬要自拍，點歌還點偏門，鍾欣潼、蔡卓妍兩個都太漂亮太棒棒了，尾場再見，love you two。」

古巨基（左起）、徐小鳳、袁詠儀和張智霖為Twins打氣。

超蓮在微博放上與阿嬌的自拍照。

今次五場演唱會的嘉賓人選成為每晚焦點，當晚Twins就請來兩隊新進女子組合Super Girls（SG）及As One上台演出。嘉賓出場前，Twins首先大賣關子，笑謂：「出道前公司話要將我哋組成女子組合，當時真係晴天霹靂，我哋仲諗點解未出道就要結束！」阿Sa繼續說：「但就係有你哋（歌迷）嘅支持，所以我哋嚟到今日。」說罷全場歌迷即歡呼尖叫，Twins說：「希望大家會好似錫我哋咁支持佢哋！」其後Super Girls和As one在台上表演Twins的經典作品《士多啤梨蘋果橙》。

SG做嘉賓

事後Super Girls接受電話訪問，成員Yanny坦言首次在紅館演唱會做表演嘉賓，心情既開心又緊張。Cheronna透露曾擔心SG表演時會為變「廁所位」：「原來唔係囉，現場畀好多反應我哋。」

文：音樂組