C君要家庭陸永等報應
相隔兩三年再出新碟的組合農夫，早前上到《東網電視》《娛樂onShow》擔任嘉賓，在主持俞詠文 面前大放笑彈，除了分享令二人懷念的往事，與女友感情穩定的C君又坦言渴望組織家庭。
組合農夫近日因與鄭裕玲合作拍旅遊節目《Do姐去Shopping》而人氣急升，歌手出身的二人相隔數年再出新碟，分享自己的心聲，最近二人在《東網電視》最新一集《娛樂onShow》擔任嘉賓，與主持俞詠文（Angela）大談趣事。
提到最近二人推出的新歌《返老還童》，C君就表示自己不時都想返老還童：「自從出嚟做嘢之後，就想返番去做小朋友，讀書時就成日想快啲出嚟做嘢自由啲，到你一返工就覺得讀書真係正。」陸永又說：「人喺每個階段又好似會懷念之前嗰個階段，可能到退休時會覺得有得返工真係正。」
C君聽話唔急結婚
趁新一年的來臨，問到二人希望將來擁有甚麼時，陸永竟搞笑回答是「報應」，令主持一頭霧水，陸永之後補充說：「係希望一啲對我唔好嘅人將來有報應。」不過問他誰人對他不好時，他卻說沒有，相當無厘頭。而C君就正經地表示想組織家庭，問到已與女友同居的他為何不盡早結婚？他說：「我有個好好嘅擋箭牌，因為蘇民峰話唔好，要等到2018年，我都唔急嘅。」
文：專案組