今日係2016年嘅第一日，喺咁重要嘅日子先祝大家財源廣進，身體健康，日日都咁醒神！不過講到醒神，對男士嚟講又點及得上個個月都有靚女陪你過日子咁開心呢？有見及此，今次就為大家炮製一個索女月曆，等大家每日都Happy到爆！
新年到梗係睇索女嚟醒神，咁先至可以行大運兼好運連連！既然係咁梗係要同大家介紹喺元旦日出生，嚟自俄羅斯嘅索模Vittoria A，事關佢喺模特兒界嘅發展真係順利到爆，早喺2012年出道嘅佢不但先後獲多本成人雜誌同網站賞識，推出個人寫真集外，更經常喺時裝、內衣同男士雜誌中亮相。如此好腳頭嘅索模，正好幫大家喺新一年谷爆旺氣。
出生日期：1月1日
三圍：35-24-34
身高：5呎6吋
國籍：俄羅斯
2月係中國農曆新年嘅大日子，大家都準備迎接新年新開始，而日本寫真女郎方面，最具代表性嘅童顏巨乳女神篠崎愛喺新一年亦希望有個新開始。愛妹未成年就開始拍寫真，2016年正係佢投身寫真界10周年，而愛妹一直都希望轉型做歌手搵食，雖然冇話唔想再做寫真女郎，但係最好都係減少靠身材搵食嘅機會，正在努力練歌練舞嘅篠崎愛一於好似我哋中國人咁，喺今個月拜神祈福希望新一年有突破啦！
出生日期：2月26日
三圍：35G-24-34
身高：5呎3吋
國籍：日本
3月草木逢春，萬物皆欣欣向榮，相信大家都生生猛猛，就好似我哋嘅3月女郎清水愛里咁。清水愛里自從將轉投事務所事宜搞妥之後，喺寫真界發展一帆風順，曝光率火速提升！當然，愛里人氣暴升亦要靠自己青春可愛嘅面孔，以及一副令頹男都能夠枯木逢春嘅G Cup無敵靚偈啦！今個月唔理大地回春與否，欣賞愛里嘅寫真絕對可以令男人春心蕩漾，春情勃發！
出生日期：3月5日
三圍：34G-23-33
身高：5呎3吋
國籍：日本
踩入4月第一日就係愚人節，好可惜，呢個喺19世紀已開始流行嘅西方節日，並未被任何國家認定為法定節日，即係冇假放囉！但除咗愚人節，呢個月仲有不少騎呢節慶，好似喺月底最後一個星期三就係「國際秘書節」（International Secretary Day），源於上世紀50年代，喺1952由年兩位資深秘書提議為肯定秘書對社會貢獻及鼓勵投身行列，喺1955年正式美國宣布設立秘書日，而與「4」字結下不解緣嘅美國脫星Hope Howell，於2014年4月入行，三圍尾數係4，身高5呎4吋，之前仲做過秘書添，而佢出生當日更係「化學戰受害者紀念日」，旨在悼念化學戰中受害者，並重申禁止化學武器組織承諾，消除化武威脅，促進和平安全，真係意義深遠呀！
出生日期：4月29日
三圍：34B-24-34
身高：5呎4吋
國籍：美國
雖然話五窮六絕七翻身，但係見到我哋嘅5月女郎高崎聖子就一定唔會窮，我係話精力用之不窮。有寫真界「救世主」之稱嘅高崎聖子嬌俏可人，笑容可親，G Cup極品胴體白滑鮮嫩又婀娜，簡直就係上天嘅傑作，男人觀之必定精力湧現！雖然去年9月聖子因為疑似由佢做女主角嘅情慾片段流出，不過現時聖子已經從低谷當中復活過嚟，繼續以青春肉體以及活力十足嘅演出令大家眼福無窮。
出生日期：5月13日
三圍：35G-24-34
身高：5呎4吋
國籍：日本
有云「六月飛霜必有冤情」，不過6月女郎瀨戶早妃今年實行起雙飛。出道逾10年嘅氣質美人瀨戶早妃成名甚早，喺2005年更加有份參演香港電影《韓城攻略》。活躍於寫真界同影視界一段日子之後，瀨戶早妃為咗尋找理想而去紐約進修歌舞以及語言學，回流日本喺演藝能發展得更加理想，今年內上映嘅電影《愛Storys 2 搖晃的心》更係早妃首部主演作品，實行喺寫真界同電影界雙線發展。
出生日期：6月21日
三圍：33B-22-32
身高：5呎3吋
國籍：日本
來到7月，最開心應該係有暑假放嘅莘莘學子，但你又知唔知暑假由來呢？據指喺19世紀，美國教育家Horace Mann推動教育改革，認為學生長期受壓，不利成長，而且夏天擠在一起，容易滋生傳染疾病。直到20世紀初暑假推行全國，更影響全球。而暑假亦衍生不少就業機會，好似英國妹Amy Green就自爆喺高中暑假時兼職做Model，及後全職投身裸模界，否則巴打邊有咁正索女睇呀？
出生日期：7月1日
三圍：32DD-25-32
身高：5呎5吋
國籍：英國
西方10月有萬聖節，中國有農曆七月十四俗稱「鬼節」嘅盂蘭節，今年就喺8月17日，雖然冇假放，但成個月都好多活動搞，尤其喺夜晚盂蘭勝會，包括祭祀、燒紙錢、派平安米、福物競投、神功戲演出等，喺「鬼月」仲有好多禁忌添！自言最怕鬼嘅裸模Sam Kellett都話呢啲日子都係匿喺屋企咪四圍去，寧可信其有喎！
出生日期：8月15日
三圍：32D-24-36
身高：5呎7吋
國籍：美國
嚟到9月開始有啲秋意，又係中秋節嘅月份，呢個時候最好就係去郊遊。不過郊遊得一個人好似好悶，最好就係有個靚女陪遊咁就正，內地嫩模陳子睿就話平日最鍾意做運動，有個外形咁索嘅運動型靚女做伴咁就真係正到爆！據呢位嚟自廣州，擁有前凸後趷身材嘅人氣女神話，佢最愛就係肌肉型猛男，令佢好有安全感。既然係咁，大家仲唔努力操Fit自己？
出生日期：9月26日
三圍：34-24-36
身高：165cm
出生地：廣州
10月有重陽節，有假期梗係要好好趁呢日留喺屋企陪吓家人，順便好好咁休息一下啦！內地人氣模特兒白思宜就話，最好就係同埋屋企人一齊打機，假日自然過得開心又有意思。其實佢咁講係有佢嘅道理嘅，作為遊戲展中嘅耀眼性感模特兒，佢最為迷人嘅地方唔單止係五官，仲有一對F罩杯嘅巨乳，真係睇到人流晒口水。
出生日期：10月17日
三圍：32-24-32
身高：165cm
出生地：上海
今年嘅11月一個假期都冇，真係想搵啲喘氣空間都難。既然係咁，一於搵嚟養眼嘅性感女神黛欣霓同大家打吓氣！呢位嚟自哈爾濱嘅人氣內地模特兒，不但喺模特兒界有出色嘅表現，並且喺影視界有卓越嘅成績，先後喺多套電視劇中亮相。佢最為迷人之處，唔單止在於性感、冷艷同高貴嘅氣質，更在於佢魔鬼級數嘅身材，尤其係一對36F嘅巨乳，更係令人驚艷！
出生日期：11月8日
三圍：36-24-36
身高：173cm
出生地：哈爾濱
12月嘅節日真係多籮籮，先有聖誕節，跟住仲有除夕，真係開心到飛起。既然大家都咁高興，內地人氣嫩模陳大榕亦唔錯過呢個機會，化身成聖誕女郎將節日氣氛推高！呢位喺內地模特兒界擁有超人氣地位嘅索女，不但曾喺多個模特兒比賽中獲獎，更經常喺電視嘅綜藝節目亮相。憑住佢火辣嘅身材，加上迷人嘅眼神，試問有邊個男士能夠抵擋得到佢嘅魅力呢？
出生日期：12月26日
三圍：33-24-35
身高：170cm
出生地：安徽
撰文：魂、祖、賢