梅艷芳暱稱珠女 長眠海會塔

昨日是「香港女兒」梅艷芳逝世12周年死忌，由早上開始陸續有大批梅迷分別到九龍塘省善真堂及大嶼山寶蓮寺奉上祭品拜祭偶像。今年阿梅的忌辰前多番事端，除獎項及私人遺物被網上拍賣外，昨日更爆出阿梅真正的骨灰位不是位於九龍塘省善真堂及大嶼山寶蓮寺，而是大嶼山的海會塔。昨日記者到訪海會塔，發現靈位名字非梅艷芳而是「珠女」，亦沒有阿梅的遺照，而且生、死忌用農曆而非新曆，故「梅迷」花了兩年時間才找到偶像的真正骨灰靈位。

覺得梅媽刻意寫錯日子

昨午約三時半，30多名「梅迷」到海會塔準備紙紮祭品燒給阿梅。問歌迷是否在阿梅逝世第二年上位後，一直到海會塔拜祭？歌迷李小姐直言每年十、十二月都會前來拜祭，祭品都跟省善真堂一樣有阿梅生前喜歡的食物。提到早前阿梅的遺物拍賣會，李小姐感觸說：「都好慶幸各方嘅努力拎番啲獎項返嚟，內地歌迷都好熱情，更集資咗筆錢，投得嘅物品都會暫時放喺歌迷會度。」

不少「梅迷」到寶蓮寺及海會塔拜祭偶像。	放大圖片	放大圖片

昨日阿梅歌迷會會長蘇小姐接受電話訪問，感激阿梅在天之靈「幫忙」他們：「當年都係阿梅媽搞，但佢好低調，冇人話我哋知擺喺度（海會塔），梅媽話整好通知我哋，但通知我哋係大佛蓮位，但嗰度唔係骨灰位。梅姐走咗兩年，有日歌迷上寶蓮寺拜祭，有工作人員好心話係喺海會塔，覺得梅媽刻意寫錯日子。」她又指當年海會塔只供僧人骨灰位擺放，故位置十分荒蕪，但近年交通已改善，加上公開給大眾擺放靈位，才較多香火。

梅媽：鍾意寫乜就寫乜

記者致電梅媽，問到骨灰位為何不用梅艷芳及用農曆而非新曆？她說：「阿梅啲骨位我好辛苦爭番嚟，我唔想畀人知，我鍾意寫乜就寫乜，珠女係阿梅乳名，佢哋（梅迷）有心去邊度拜（省善、寶蓮寺）都得。」昨晚近百名「梅迷」在中環舉行紀念活動，會長蘇小姐提起骨灰位一事，一度眼濕濕。

文：音樂組