歐美火辣年曆 「性」價比高

每逢年尾,歐美日例牌展開年曆大戰,不論係紅星或奀星,都要湊湊熱鬧推出年曆。尋日睇過日本妹索爆年曆,今日我哋就幫大家選出5本2016年「性」價比最高嘅歐美索妹年曆,你最想收藏邊一本呢?

女子曲棍球隊 慈善籌款

掛住慈善之名,經已是最大賣點,況且更要由一班運動員「全裸」演出為慈善拍攝年曆,你仲有咩理由唔支持?近年外國不少大學團體都趁年底推出年曆為組織籌款,今年連業餘球會都來分一杯羹,來自英國女子曲棍球隊Lytham St. Annes Hockey Club早前就於fb表示正為Lytham Sports Foundation籌集資金,決定拍攝全裸年曆,14位隊員除咗要面對鏡頭擺甫士展現完美體態,仲要一邊練習,好讓攝影師捕捉最真實一面,原來裸體體育觀賞價值極高,好可惜,所有運動員都巧妙地用手手腳腳甚至球棍遮住三點,為慈善唔係應該去盡啲咩?

售價:約HK$120

美女BBQ 色香味俱全

相信無人會諗過燒烤同美女有任何關係,但事實兩者可合二為一變性感年曆。據出版商表示,佢哋對坊間千篇一律所謂美女年曆睇到厭,一次BBQ時忽發奇想如果有美女代勞燒烤,即使天氣再熱,爐頭再(慶),燒足一日都好開心,於是就找來多位南美辣妹,製作一本BBQ女郎年曆,由2014年開始發售,有指於歐美市場大賣特賣,來到2016年,Model多,美食更多,烤雞、牛扒、腸仔多款豐富香口燒烤美食,加埋一個又一個性感美女,令人食指大動,美食及美女當前,你會如何選擇?

售價:約HK$144

Playboy女神 高貴性感

叫得「美女年曆」推介,點都要有本重量級先得圓滿,而年曆中Playboy一定唔少得,皆因官方年終閒閒哋推出過百本年曆,由單體裸模到電單車模、比堅尼女郎以及內衣模特兒都出一大餐,你可以話濫,但人哋由Model到印刷質素極高,總有一本你唔捨得放手,就好似以唯美搶灘嘅2016年年曆,由12位樣子甜美兼有黃金比例身材Model穿上極具氣質內衣拍攝呢輯年曆相片,高貴性感兼備。

售價:約HK$124

A3尺寸 冇得輸

英國男士要買年曆首選當然係有「英國咪神」之稱嘅Kelly Brook啦!不過阿姐今年要讓位喇,事關Sun Page 3為一班「第三頁女郎」推出超大A3尺寸年曆,有超過12位索妹上陣,只售百多港元,絕對抵食夾大件呀!由零瑕疵嘅Rosie Jones及Rhian Sugden孖住上陣拍封面照,內頁更有年度最出位裸模,包括Courtnie Q、Mellisa Clarke、Kelly Hall、Lissy、India Reynolds、Lucy Collett、Holly Peers及Nicole Neal等,大方展露波濤洶湧嘅完美身材,睇得人熱血沸騰!

售價:約HK$119

濕身美人 如魚得水

魚與索女竟可兼得?真(口架)!睇慣一眾裸模生硬甫士悶到爆,不如睇睇德國呢個「美人魚年曆」,據知年曆內嘅索模全部都係素人Model,但無論樣貌及身材都係一等一。有指拍攝時極之艱苦,首先裸模要唔怕抱住大魚喪拍,同時攝影師更要捕捉人及魚最靚靚一面,非常高難度,難怪攝影師Raphael Faraggi表示每條魚上水都要替其抹身,務求以最佳狀態示人,另外亦要等魚安定落嚟,令Model可以輕鬆自在拍攝,結果花咗足足一個月先拍得完,雖然拍得辛苦,但出版人Hendrik Pohler受訪時話呢本年曆滿足到鍾意釣魚及賞女願望。連英國《每日郵報》都指呢本年曆係2016「Must Have Item」,既有濕身元素,又有走光索模,更有膽識表現,喺屋企掛上呢本年曆夠養眼!

售價:約HK$161

撰文:祖