薛芷倫搵男友唔會臨急抱佛腳

佳節當前，不少名人明星盛裝出巡，名媛薛芷倫（Fanny）前晚平安夜以一身紫紅色節日打扮現身有份投資的餐廳與友人晚膳。她透露會到友人家中開party，被問到可有男伴陪同？她笑說：「今晚冇！（今晚搵？）唔會臨急抱佛腳，平時都可以搵。（有冇男士約你？）都有，不過佢哋好暗示形式，例如問你聖誕有冇嘢做？有冇約人咁？唔會直接話約你，但我都拒絕咗話再約，因為覺得聖誕應該同家人同朋友過。」她表示已單身多年，身心早已變得獨立，當然也希望緣分到來。問到可會覺得時下的男士太過細膽？她說：「可能佢哋驚我拒絕啩，又或者依家都有好多選擇，約唔到A咪約B！」