蕭正楠阿媽教落咪借錢畀人

蕭正楠（Edwin）昨日出席聖誕活動，對於舊愛何傲芝被指曾向妹妹男友周子揚要求大額生活費，問到二人拍拖時可有金錢上問題？Edwin「er...」完幾秒後便以「哈哈」兩聲：「冇呀！其他嘢唔想答，牽涉到其他人。（當時好吃力？）點吃力？（你哋拍拖Gigi有冇要求畀錢？）由細到大父母教落，借錢畀人除非絕交，一係畀、一係唔借，要睇能力範圍，我自己管錢管得好好。（唔會借畀人？）唔做朋友咪借畀佢囉，但我唔建議借錢。」那他有否同樣遭遇？Edwin又「er」一輪後便輕搭記者膊頭：「今日係聖誕節，不如祝大家聖誕快樂啦！」