鄧麗欣得寵未來老爺激讚

方力申（小方）與鄧麗欣（Stephy）前晚在奧海城出席主演電影《紀念日》見面會，小方透露父親看首映後短訊大讚Stephy：「佢話小鄧演得好，係有外貌嘅性格女星，情緒好飽滿。」問到Stephy得未來老爺大讚很重要？小方搶答：「好friend嘅，唔關身份事，有人讚當然開心。」Stephy則說：「開心，佢都有讚小方。」Stephy透露已收到小方送的聖誕卡、花及聖誕禮物，今次是拍拖以來第二次收花。小方說：「佢講過唔係咁鍾意花，但係最近訪問聽到佢又話想收到男友送花，揀咗粉紅色玫瑰畀佢。」