今野杏南聖誕後有突破

今日係聖誕節,祝大家聖誕節快樂,新一年將會有一番新景象。講到新景象,小弟就計劃進修一下,希望可以令事業更上一層樓,無獨有偶,日本人氣寫真偶像今野杏南都話聖誕新年過後將會有新變化,演出風格變得更加激烈,真係我哋男人嘅福音呀!

人靚波堅

日本寫真界索女特別多,巨乳妹亦有好多,不過索得嚟又好波就冇幾多個,喺小弟我心目中符合上述條件嘅完美寫真女神就只有已嫁為人婦嘅井上香和。幸好,上天待我同各位寫真迷不薄,家陣仲有一個女優能夠堪稱為當代完美女神,佢就係今日為大家介紹嘅今野杏南。

阿妹原名叫戶井田杏南,現時26歲,散發出青春感覺同時女人味初現,正!杏南五官標致,雙眼具有攝人神采,而小弟就最欣賞杏南嘅嘴仔,每當見到佢兩片飽滿又豐厚朱唇半張,我就即時感到頭暈兼身慶,冇計啦!血液全部往下流吖嘛!值得欣賞嘅仲有杏南嘅完美身材,皮白肉嫩且有F奶配合纖幼腰肢,應大則大,應細則細,呢副胴體簡直係無可挑剔。

全裸演出

杏南就讀初中嘅時候就已經踏足演藝圈,而當時佢為人認識嘅地方除咗美貌與身材,仲有其衝浪冠軍嘅身份,除咗係衝浪高手之外,阿妹亦係女藝人室內足球隊「FANTASISTA」隊員,腳法一流,認真好波!

憑住一副迷人面孔以及接近完美嘅巨乳身材,杏南喺寫真界發展得如魚得水,人氣同地位直逼寫真天后杉原杏璃,成績相當優秀。而杏南就係食住呢個氣勢進軍電影界,作品包括有《四葉草》、《新宿天鵝》以及早前喺香港亦有上映嘅《超能勁處男》。除咗拍電影,杏南亦不時舉行攝影會同龍友們接觸,上個月就接連開咗幾場攝影會,阿妹更特別換上性感聖誕裝提早迎聖誕添。杏南近期多次被傳媒問到會唔會有全裸演出,佢表示聖誕新年過後考慮會有更激嘅演出,若然拍電影要佢全裸上陣亦唔介意,甘願為藝術犧牲咁話。如果係就好喇!我等咗好耐喇!

社交網站

簡介:今野杏南雖然工作忙碌,但係從佢嘅社交網當中可以見到佢成日同班姊妹四圍去飲飲食食,玩得不知幾開心,大家想知道杏南最近去過邊度吃喝玩樂,就要Click上去睇睇啦!

網址:https://twitter.com/konno_anna

今野杏南Profile

年齡:26歲

身高:5呎2吋

三圍:35F-23-33

撰文:賢