貝安琪冇人約過「平安」夜

貝安琪（Ankie）昨晚單拖出席「飛天離地絕技團」公演活動，問到聖誕如何慶祝佳節？她透露母親剛從德國回來，所以會跟家人及朋友一起歡度，又自爆今個聖誕沒有約會：「冇約會，主要係同家人及朋友過，（係咪因為你唔啱心水？）係呀！（追求者睇到你咁講實好傷心！）Oh my god，佢哋可能唔識睇中文，（咁有冇送定禮物畀你？）有幾個唔同人送咗幾份禮物畀我，等boxing day先拆。」她更笑稱平安夜會非常「平安」地度過，而大除夕夜或會外出倒數。

楊婉儀帶仔女開工

同場的前港姐楊婉儀（Winnie）就與丈夫及一對仔女現身，透露仔女已開始放聖誕假，但由於她和丈夫還要上班，故惟有帶着仔女一同工作，她笑說：「我開會嘅時候，佢哋就喺度做功課，（佢哋功課多唔多？）唔少，但應付到，我哋冇要求佢哋學任何嘢，只係每個星期會補中文同普通話，學校就只有課外活動同一啲隊制比賽。」她直言不想做怪獸家長，認為讀書已經有壓力，若強迫他們學習太多課外班，或會影響家庭關係，寧願他們有個快樂的童年！

鄭中基與囡囡穿上父女裝，太太則笑言太浮誇。	楊婉儀一家四口上陣。	Aka自認眼淺，容易喊。

鄭中基溫馨父女裝

而女子組合Super Girls成員趙慧珊（Aka）被問到早前吳業坤於頒獎典禮上勇奪新人獎金獎時，她為何感動落淚？她表示自己是眼淺之人：「因為好多人話樂壇已死，感動仍然有好多人努力為樂壇作出貢獻，唔係得我一個喊，身邊好多人都眼濕濕喊。」此外，歌手鄭中基就偕太太余思敏及女兒一家三口出席，他更跟女兒一同穿上父女裝，十分溫馨！問鄭太何不也穿上「家庭裝」？她笑言太浮誇了。

文：名人組