筱靖單身 呻謝芷倫搶風頭

前亞姐筱靖（Manecy）日前相約好友謝芷倫（Jan）食聖誕大餐，忙於打理生意的Manecy打算與朋友飛赴泰國，共度一個「火辣辣」的聖誕，又笑稱盼在當地覓得「泰國王子」。單身的她又大呻經常孖住Jan四圍去，導致「冇人要」並笑謂：「嚟緊聖誕、新年、情人節都唔想同佢過。（驚佢搶你焦點？）係，佢喺隔籬，桃花都少咁啲。」會否心急恨拍拖？事業心重Manecy卻未驚過：「我唔會放低工作，女仔應該有自己嘅日子，我想自己嘅事業有一片天，所以冇乜信心嫁到一個養得起我嘅老公，又怕人哋難頂自己嘅脾氣，因為我係比較倔強、硬淨嘅女強人。」