羅霖開心三子送吻

「美魔女」羅霖忙足整年，聖誕節終有一天假，加上大仔美國回港放假，因此準備聖誕當天開Party慶祝。難得愛子回來，做媽媽的羅霖卻沒太多時間相陪，羅霖笑言：「佢都19歲唔使我陪，陪佢都係買嘢同食嘢！（負責畀錢？）畀錢都係開心。」講到三位兒子小時候過聖誕，羅霖會變身「聖誕老人」派禮物：「佢哋好天真o架，真係以為床頭份聖誕禮物係聖誕老人送o架。」問到三個寶貝仔可會送禮物給她？羅霖表示：「都係啲心意禮物啦！（三子送吻？）有o架，唔會覺得唔好意思，由細到大都習慣晒，我依家出街都有翹住阿仔手臂，喺外國啲人以為我哋係姊弟。」