陳芷尤浪漫睇星 布睎尤遇狼爪
聖誕將至，兩位擁有D Cup身材的女藝人陳芷尤及布睎尤（Raico）化身火紅索爆聖誕女郎，令寒冷天氣升溫！芷尤直言最難忘男友帶她露營數星星，Raico則自爆夜蒲慶祝屢遇狼爪，警剔姊妹要小心。
網友新寵藝人陳芷尤趁聖誕將至打扮成索爆聖誕女郎，面對應節小食拼盤，芷尤即露出甜美笑容，她表示喜歡跟朋友開P慶祝聖誕：「呢個係好多人分享愛嘅節日，我鍾意玩交換禮物，但成日收到啲整蠱禮物，例如報紙包住紙巾或者鹹濕玩具。」提到浪漫聖誕回憶，芷尤表示有年男友送驚喜帶她露營，在沙灘邊數星星邊吃西餐，令她冧爆！雙魚座的她笑認喜愛浪漫：「唔使好多錢或花臣，但要Feel到有心。」問到緋聞男友張振朗可有表示？芷尤說：「大家呢排都忙，仲未約呀！希望佢聽到之後識做啦！」
愛夜蒲籲小心
另一邊廂，中葡混血女模布睎尤（Raico）穿上Hot爆低胸紅裙迎聖誕，她表示愛與友人開P或到中環夜蒲慶祝，身材火辣的她直言屢遇狼爪，曾在夜店被男士扮醉摸大髀，甚至遭熊抱及強吻，亦有人刻意灌醉她：「好多男士趁佳節想灌醉女仔佔便宜，好彩我酒量算好，通常佢醉我都未醉，但聽過有啲女性朋友真係被人侵犯！不過又好搞笑，我成日幫女仔朋友灌醉心儀男士然後示愛！」問到可有幾招教姊妹防狼？Raico說：「要量力而為唔好飲咁多，最好有信得過嘅男士護花，另外我有打開自由搏擊識少少防狼術。」
文：影視組
攝：司徒國榮、劉智源
陳芷尤場地：Bar Pacific
布睎尤場地：海洋公園