宋熙年留守《東張西望》挑戰外景

無綫高層余詠珊銳意優化節目《東張西望》，除了改革節目內容外，亦更換一班主持。有份留低的宋熙年昨日到將軍澳電視城開工時，就表示革新自1月4日始，同時透露部分新主持名單：「有啲都認識，好似陳貝兒、區永權、陳庭欣同梁麗翹咁。」亦指黃耀英和林溥來都會加入。除了台前幕後都會有新嘗試外，她又指自己都有機會挑戰外景工作：「變相個節目會有性格啲，我覺得出外景可以有地方發揮，可以臨場應變，亦講到自己立場嘅嘢。」