甄子丹起腳拆祠堂泰臣鐵布衫護陰
甄子丹於新戲中與拳王泰臣對打，兩雄相遇，拳腳無眼，碰撞在所難免。其中一場，子丹更踢中「小泰臣」，揚言踢中時「快來快去」，未有感覺到「小泰臣」，而泰臣被踢中後亦若無其事，子丹則幽默笑指對方練了鐵布衫！
「宇宙最強」甄子丹主演電影《葉問３》，跟不少好打之人，如張晉、梁家仁等對打連場。但論賣點當然是子丹與拳王泰臣的一戰，「西洋拳」鬥「詠春」，由於拳腳無眼，其中一場，子丹踢中對方的「小泰臣」，但因踢得太快，所以子丹與泰臣都沒甚麼感覺同反應，子丹還搞笑表示：「可能佢練咗鐵布衫！」
外剛內柔愛妻號
子丹更大爆泰臣其實是「愛妻」一族，鐵漢柔情：「我同泰臣真係幾好傾，可能大家性格相近，都好錫老婆，我同佢太太都有傾小朋友讀書嘅嘢。（泰臣點錫老婆？）佢嚟片場同返酒店都會拖實老婆，兩公婆好恩愛。」由於傾得埋，即使相處時間短，仍建立一定感情，子丹更指泰臣拍完所有戲份後，跟他握手道別時好像眼濕濕，有點依依不捨。子丹亦很高興認識到泰臣這位朋友，之後會Keep住聯絡。
蝦碌出事扑張晉
此外，甄子丹與張晉於《葉３》中，亦有不少對打戲，期間更出現不少蝦碌鏡頭。當兩人打完一場戲後，子丹拿着長棍掉頭走開時，卻剛巧誤中站在他身旁的張晉，「啱啱」遇着「剛剛」！子丹表示：「當時我都唔知發生咩事，只係聽到後面張晉吖一聲，先發現整到佢，事後啲工作人員係咁笑，話我報仇，因為之前佢打到我個鼻，我睇番Playback，個意外都幾有喜劇感，真係夾都無咁啱。」
文：影視組