前無綫體育主播伍家謙昨日出席BMWi新車發布活動，他表示今個聖誕忙於工作，並透露剛完成電影拍攝，問到首次拍攝電影是否很難忘？他笑言：「導演搵我o個陣，我仲問佢係咪演記者？冇諗過做其他角色。」他表示有幾場與周潤發合作的戲份，頓時化身成小粉絲：「部戲有好多影帝參與，發哥o個親和力非常犀利，能夠參與呢部大電影，感到好榮幸！（拍時好緊張？）少少，可以同以前只o個電視見到o個人合作。（進軍電影界？）成日都講離開TVB係想有更多o個嘗試，依家主要係做製作工作、司儀等。」
