早前在台北舉行的《第52屆金馬頒獎典禮》，眾女星如舒淇、林嘉欣、桂綸鎂都性感示人，頒獎禮未爭大獎，女星就先在紅地氈爭艷一番。雖然舒淇失落影后寶座，不過就獲星級造型師郭慶彬（Ricky）大讚身穿粉藍色連身裙的舒淇識揀衫，如同仙女下凡，是紅地氈女王兼攞滿分。
「唔使講，係紅地氈女王，佢條裙好出眾，好識揀衫，仙女下凡，佢本身唔高，條裙着得佢比例平均，粉藍色好突出，cutting係性感同有型，好有味道，攞滿分。」
「造型一般，條黑裙腰位唔知想點兼敗筆，着得佢好肥，佢本身已經屬於大隻身形有肉地，全黑打扮都遮唔到佢圓潤身形，着錯裙，反而讚佢個妝，好搶眼。」
「我幾鍾意佢嘅打扮，條裙cutting好有動感，行起路有種搖曳生姿感覺，條裙令佢身形線條好修長，off shoulder設計簡單討好，唔使左露右露好性感先為之靚，只係露膊頭都好靚。」
「白色連身晚裝裙平平無奇，係頒獎禮指定動作，成個感覺好斯文，冇新鮮感，而且髮型唔好梳埋一邊，依家成件事好悶。」
「幾好睇，佢係超模比例，着呢啲衫冇難度，公主裙着得佢好似芭比娃娃，晚裝圖案好突出，幾有時代感，佢皮膚白襯黑白裙，好搶眼。」
「一般，條裙好好睇，好有霸氣，但佢着唔出個嗰派頭，可能因為佢個髮型問題，髮型太瀟灑，唔夠型，佢個妝又素又淡，成個感覺唔夠搶眼。」
星級造型師郭慶彬（Ricky）的配搭功架深受女星讚賞，是型媽吳君如、李嘉欣與周慧敏等的御用造型師，在業界備受肯定。Ricky亦是一眾品牌之友，經常被各大品牌邀請出席米蘭與巴黎時裝周，還會為品牌在尊貴活動上充當講師，與VIP分享與傳授配搭之道。