楊子儀咬樽糾正發音
模特兒楊子儀（Kenji）入行三年多，她透露性格較為外向，當初可成為模特兒亦是靠自己的勇氣，傳送個人資料給模特兒公司自薦：「我本身係做時裝設計，加上好鍾意影相同化妝，所以就膽粗粗send相去唔同嘅公司，最後成功簽咗呢間公司。（依家有咩主要工作？）我除咗拍廣告外，仲有拍短片寫Blog，係關於護膚美容，因為我係敏感皮膚，好易起粒粒，所以有着手鑽研呢方面嘅護理。」
Kenji還想作多方面嘗試，唱歌、拍戲、跳舞也會爭取機會。談到有何目標，她說：「希望可以完成嚟緊嘅半馬賽事，至於工作方面就想有多啲拍電影嘅機會。不過我咬字方面好弱，依家有咬益力多樽嚟糾正發音，幾有用。」
