小方講「我愛你」鄧麗欣想喊

歌手方力申和鄧麗欣（Stephy）、羅孝勇及陳凱彤等前晚出席活動，受訪時小方和Stephy指「我愛你」三個字難於啟齒，直至Stephy第一次聽小方表白簡直感動到想喊：「覺得終於都講出口喇，嗰次好似係喺個電影殺青慶祝活動，有蛋糕（口架），佢知我拍得好辛苦特登買畀我。」兩人又講到現在兩個媽媽都會一齊飲茶食飯，小方又笑言：「你哋知唔知點解我六舊（腹肌）咁快冇，因為佢父母鍾意十二點食飯，我父母又鍾意兩點食，有時咁食兩餐法真係好難keep。」

而同場的羅孝勇被問到舊愛林欣彤回復自由身，羅孝勇大方直認有關心對方，又表示對方有才華，不擔心其未來動向。