陳瀅夠快殺入《巨星放題》準決賽
由《東網巨星》App推出的鬥智鬥力節目《巨星放題》已進入初賽最後一集，今次三位挑戰者是「EQ高過IQ」的鄭俊弘、「半透明的舞孃」陳瀅及「九龍區小雲」郭奕芯，經過考官「Miss Kay」謝安琪發問的三題「智力題」，三人都答中一題，但陳瀅最快答中，所以她可殺入準決賽，與過去五集的勝出者一決高下。
最快最新資訊App《東網巨星》近日推出全新遊戲節目《巨星放題》，請來兩位神級考官「Dr.吹神」陳奕迅及「Miss Kay」謝安琪向18位藝人發問冷知識問題，昨日已去到初賽最後一集第六集，今集全由「Miss Kay」發問，並由鄭俊弘、陳瀅及郭奕芯作答，招積的郭奕芯賽前充滿信心：「冇難題難到我。」
「圓不跑」有創意
生鬼的Kay先出題：「圓形同正方形邊個跑得快啲？」陳瀅先答錯：「當然係圓形，圓形碌吓碌吓。」接住即糾正：「Kay問得我，我會答正方形，點解？等佢解釋。」鄭俊弘及郭奕芯齊齊答中是正方形。Kay開估說：「係正方形，因為鉛筆刨（圓不跑）。」陳瀅聞言哈哈大笑，郭奕芯招積說：「我都估冇咁簡單。」
Kay發問第二題：「香港18區邊區暫時未有公屋？」郭奕芯竟答「海洋公園」，答上水的陳瀅與半放棄的鄭俊弘全錯，答案是灣仔。
蒲台島最南面
去到最後一題：「香港最南嘅島係邊個島？」郭奕芯諗都冇諗就與鄭俊弘一樣答：「南丫島。」陳瀅竟無厘頭答上水。就連考官Kay都中伏：「係咪估南丫島？我都中咗招，唔好唔開心，答案係蒲台島。」三位挑戰者最後各答中一題，但由於陳瀅最快答中，故可以進入準決賽，到時她會與過去五集的勝出者較量，包括周秀娜、張繼聰、連詩雅、蝦頭和牛雜妹。
文：音樂組