Mena做宅女鑽研音樂

能唱能演的兩棲新人Mena早前現身「VIP音樂榜VipMusicCharts」發布會，她透露為男歌手安俊豪的新歌MV擔任女主角。她說：「拍MV要做戲都好好玩，自己想喺樂壇同影壇同時雙線發展。一直以嚟都接過好多打碟騷，對我嚟講做DJ唔單單係一份工作要嚟搵錢，而係我自己最有興趣嘅事，可以話係一種精神支柱或者慰藉，直情寓工作於娛樂。平時得閒其實都好少出街玩，反而真係會留喺屋企，做宅女鑽研音樂，令自己技術更好更有進步。相信呢種生活，好多一樣醉心音樂嘅朋友都會感同身受，完全唔會覺得悶。」