JW唱自身經歷爆喊

女歌手JW（王灝兒）轉投新公司後，推出歌曲《矛盾一生》反應極佳，講述情侶拍拖多年但在婚姻上取不到共識，令不少女士產生共鳴，JW表示錄音時更唱到喊：「我都有少少呢類經歷，好多時男仔慢過女仔成熟，女仔心入面有好多矛盾。」新歌講及結婚，JW自認對婚姻有憧憬：「我鍾意睇童話，覺得一定要結婚，希望30歲前生第一個BB，仲有五年時間，要再努力下，我細個想生夠12個仔女，但依家知道係好貴！」