林莉嫻冧Dominic有機會撻着
有「高版陳凱琳」之稱的林莉嫻（Leslie）最近簽約成為「新一代晶女郎」，後於首部擔正電影《鴨王2－雞同鴨戀》中，將其「第一次」獻給「男神」何浩文（Dominic），她又大讚對方有才華又Gentleman，直言不怕跟「靚仔」戲假情真傳緋聞。
林莉嫻（Leslie）拍畢《東網Baby》獲導演王晶賞識，簽約旗下成為新一代「晶女郎」勇闖影壇，更夥拍靚仔何浩文（Dominic）為電影《鴨王2－雞同鴨戀》擔任男女主角。戲中，飾演律師兼富二代未婚妻的她，因為缺乏性知識及有性障礙，於是請來Dominic幫手開竅，兩人又埋牙肉搏於床上翻雲覆雨。首次擔正的Leslie坦言壓力大，因甚少拍戲經驗，客串過《賭城風雲III》的她說：「我唔敢話擔正，多謝王晶畀機會，其實都好緊張，以前都係拍硬照、拍廣告多，未真正接觸演戲，好似背對白、投入角色，對我都相當有難度、係一個挑戰。」
獲讚身材正甜絲絲
Leslie又透露將「銀幕初吻」獻給Dominic：「我會將我嘅第一次畀佢。」會否擔心拍親熱戲感到尷尬？她說：「我知Dominic好gentleman，所以對佢都好放心，認識過後，我發現佢人品都不錯。」得悉獲Dominic稱讚樣靚身材正，Leslie甜絲絲笑謂：「好多謝佢欣賞，感激每個欣賞我嘅人。」談到俊男配美女，可會擔心傳緋聞？自認單身的她即大讚對方：「同一個靚仔傳緋聞又點會驚，OK嘅。（有機會撻着？）係嘅，喺App『17』睇佢自彈自唱，我覺得佢好有才華。（仲想同邊個合作？）Dominic已經係我『男神』，我都好開心可以同佢合作。」
全裸堅持三點不露
上集《鴨王》性感尺度無極限，擁有33B火辣身材的Leslie則大賣關子說：「呢套戲始終係IIB，只可以講三點不露。（裸露鏡頭？）呢個等大家到時去睇啦。」問到其性感底線？她說：「如果接到好劇本，我唔介意全裸演出，但都係三點不露。（願意為藝術犧牲？）應該唔會，呢樣係底線，要顧及身邊人嘅感受。」
文：影視組
攝：司徒國榮