沈頴婷 鍾溥敏挑戰泰拳 下月出賽
前港姐沈頴婷和鍾溥敏下月將參加由榮泰館（WUnique & Bomber Gym）主辦的「Energy Fight 2015」拳賽，她們日前在榮泰館接受館主向柏榮指導，見二人練習態度十分認真，素顏上陣之餘更打到大汗淋漓，毫不錫身！
沈頴婷說：「其實本身唔諗住比賽，但咁啱就有呢個Energy Fight，所以大概三個禮拜前就加入咗呢個團隊。（學過打拳？）係，已經學咗近十年，但次次我都好差，返一堂就要抖兩個星期，一打完就暈同唔夠氣！次次都放棄，但今次的起心肝！」沈頴婷又笑言自己將近30歲：「依家都唔努力，遲啲再大啲就唔敢試啦！」
鍾溥敏亦指自己曾學過打拳：「不過嗰陣搞到成身瘀晒，所以驚咗，覺得做運動其實可以唔使周身傷。我都係三個禮拜前加入訓練，都有擔心會唔會受傷，但向柏榮師傅同我講要贏過自己，所以我畀時間挑戰自己！」