張繼聰爆囝囝「已婚」抗拒夫妻檔

張繼聰表示囝囝在學校很受歡迎，而且英文比自己還要叻。

歌手張繼聰（Louis）曾合作的女星多不勝數，在這一集的《娛樂onShow》，接受主持人李文珊（Sherman）訪問。提到最「合作無間」，定必是老婆謝安琪（Kay），不過Louis卻說不想跟Kay合作拍戲，尤其是演夫妻。他謂：「應該冇人會想睇囉，好似偷窺人哋兩公婆生活咁。」有時Louis難免在戲中與女星有親熱戲，但Kay一直大方接受，Louis笑言：「佢冇特別講起，我都唔會特別問佢點睇，自己拎嚟衰咩！」

在學校受歡迎

能夠有一位「女神老婆」，Louis相信成為不少宅男羨慕的對象！那究竟Louis羨慕的對象又是誰？原來是他的囝囝張瞻！Louis大爆囝囝「早婚」，笑言：「佢三歲都結過婚，同班入面隔籬個女仔結婚。」原來囝囝年紀小小，但情史相當豐富，Louis自爆覺得羨慕：「我諗佢喺學校算幾受歡迎，佢成日講邊個邊個係佢女朋友，咁我純粹覺羨慕，我會同佢講：『你盡情玩啦，我結咗婚唔玩o架喇！』」

「女神級」的謝安琪大方接受張繼聰與其他女演員拍親熱戲。	張繼聰笑言不想與謝安琪合作拍戲，更特別抗拒演夫妻。	張繼聰向主持人李文珊大爆囝囝的「情史」！

而就讀國際學校的囝囝英文不俗，Louis對此也甘拜下風：「佢英文進步好快，都已經超越我喇！我只係識講：『I agree with you.』」如果想知道更多關於Louis和囝囝的趣事，記得留意星期一至五的《娛樂onShow》！

文：專案組