張紋嘉潑辣中女比賽搵男友

歌手張紋嘉（Crystal）下月再度與導演梁榮忠合作參演舞台劇《斷到正》，Crystal將演一個「乾到龜殘」的潑辣中女：「因為單身太耐而無聊到同朋友一齊捉姦，然後搞咗一場『搵男朋友大賽』。（自己都搞一場？）我搞比賽，咁邊個嚟參加？我真係冇咁嘅膽量，同埋我真係唔係好主動嘅人，我從來都冇試過同人表白。」
張紋嘉性格被動，從沒向男性表白過。
張紋嘉性格被動，從沒向男性表白過。

而梁榮忠則大讚Crystal不論演技和態度都一流：「就係第一次合作得愉快，先會有第二次合作，新演員嚟講佢拿捏得好好，我準備下個電影製作會再邀請佢。」

梁榮忠大讚Crystal態度一流，期待可繼續合作。
  • 梁榮忠大讚Crystal態度一流，期待可繼續合作。