湯盈盈效力20載賺個老公
藝人王浩信、湯盈盈、滕麗名及無綫高層樂易玲等昨晚出席「長期服務暨傑出員工榮譽大獎頒獎典禮」，奪20年金牌的湯盈盈與10年金牌的王浩信不約而同透露最大得着是在無綫認識另一半；而滕麗名則謂要買蟾蜍含住金牌，以作招財之用！
無綫昨晚舉行「長期服務暨傑出員工榮譽大獎頒獎典禮」，主席陳國強、集團行政總裁李寶安、總經理鄭善強、製作資源部總監樂易玲等高層均有出席。服務無綫已有20年的湯盈盈指，最大得着就是認識到老公錢嘉樂，更謂要將錢嘉樂去年奪得的服務20年金牌放在一齊，sweet到爆！湯盈盈說：「我班好姊妹都係喺TVB識，係我第一份工！」早前誕下次女的她稱忙於湊女及積極修身。
買蟾蜍含金牌
得到10年服務獎的王浩信指過去10年人生峰迴路轉，最峰迴路轉就是認識太太陳自瑤，他說：「自己都冇諗過。（太太唔嚟？）佢去咗泰國拜神，我要湊女，同個女去郊遊，好sweet，好似拍拖咁！」王浩信又謂自己沒想過入行做藝人。
至於奪20年金牌的滕麗名則謙虛指自己剛過試用期，被問為何老公未有一同前來？她說：「唔使啦！（金牌會點處理？）收起佢囉，或者買隻蟾蜍含住佢，招財呀！」
文：影視組