王宗堯惡搞初哥哥
「男神」王宗堯藉電影《十月初五的月光》票房大賣，遂與陳詩慧（Eva）和周家怡拍惡搞片《足膝好》，將故事改頭換面做一個跨越三世的騎呢愛情故事，當中除有「劊子手」周家怡劈宗堯頭外，片中有舔膿癖的Eva更上演舔棉花棒上沾有屬於宗堯的「膿物」情節，令周家怡作嘔噴飯！
宗堯笑言到橫店探望湊巧不用開工的家怡時靈機一觸：「又可以順便幫陳詩慧宣傳吓，因為嚟緊佢要出碟，佢想打破一如既往慣有嘅自以為靚女嘅形象，我哋想捧佢做女笑匠，所以佢今次做『吮膿女』。」拍攝時需孭起宗堯的Eva亦笑言冇腳震：「我個人好大力，但我都驚訝孭得起王宗堯！」
