欣宜：帶槍去蒲點溝女？
從台灣來港發展的藝人金剛，昨日凌晨在台北東區夜店消遣時，疑有人發生打鬥並引發「槍擊事件」，身處現場的金剛幸好逃過一劫。在圈中人緣甚廣的他，「出事」後圈中人都非常關心他的安危。
楊千嬅：咁驚，佢冇事嘛？冇事就ok，好彩Touch wood我就未試過，我好少會咁夜，一班人玩都係好private，自己人就自己人。
胡蓓蔚：有睇佢Facebook，已經報咗平安，所以我就放心啦！事後我亦有短訊佢，佢話冇事，亦都唔關佢事，冇嘢啦！
周柏豪：幾個月前返廣州做嘢，都被人夾我要做多啲嘢，其實係簽晒約，但對方用無形嘅暴力，搵人圍住架車要我上台，好彩有十幾個歌迷護我離開。
吳業坤：我以為金剛中咗槍呀！後來知冇事，佢喺現場應該仲驚，等佢返嚟睇吓佢啲子彈窿，哈哈！佢好好人，平時唔火爆又唔見佢飲酒。
黎耀祥：打唔打中佢先？講笑講笑。夜蒲係危險，飲大兩杯都唔好，總之小心，希望佢冇事！
鄭欣宜：有槍先恐怖呀，點解會帶槍去蒲？唔會溝到女o架喎。