艾美琦被摷裙底報警報一半
o靚模艾美琦（Amy）於昨日約凌晨三時，獨自返回其位於尖沙咀的住所時，遭男子非禮，令她既驚慌又憤怒！她表示：「我當時着住連身短裙，唔算好性感。當時我入咗升降機，有個男人跟住入嚟，我撳咗升降機先，之後佢就撳最高嗰層。喺我出升降機嗰陣，佢趁門就快關，就伸隻手入裙底摸我！嚇到我即刻大叫，我擰轉頭嗰陣，升降機門已經關咗。」
擔心有不軌企圖
她定驚後即報警求助，警員到場後與她到頂樓巡視一次，但沒有找到該男子。Amy表示由於昨晚已是深夜，自己亦已感疲累，故未有到警署落口供。她說：「不過警察去咗問管理員，睇番閉路電視，做咗備案。」
後來，Amy愈想愈不安，因她擔心對方知道其住處，不知會否有進一步不軌企圖，故昨午Amy由朋友陪同下，再到尖沙咀警署打算報案，但由於她突然有緊急工作，沒有足夠時間落口供，故只好打道回府。她折騰了一整天，最後仍未能順利到警署報案，果然貫徹其一貫騎呢作風。
文：名人組