視后田蕊妮與魔術師甄澤權（Louis）昨日出席護膚品牌活動，Louis以魔術將阿田變出場，阿田笑稱魔術只練習了幾分鐘。阿田又取笑老公杜汶澤「好Dry」，會趁老公瞓覺時，夾硬幫他敷Mask。
談到阿田前日生日，遠在馬來西亞的阿澤亦有送上一件乾濕褸給她：「件褸我話想買好耐，估唔到佢仲記得，哈哈！早知話要層樓啦！（生日願望？）希望大家睇《無雙譜》睇得開心，唔好畀我個男裝打扮太吸引到，生日願望就係拎視帝啦！」
