傅嘉莉得寵擔正當場爆喊
三屆視帝黎耀祥身兼台慶劇和賀歲劇兩大重任，卻在新劇試造型中未敢承認「福將」身份，又透露兒子計劃遠走美國留學賣甩自己：「係我脫離佢魔掌！」而首度升呢做女一的傅嘉莉直言收到通知時勁Surprise：「喊咗出嚟！」
藝人黎耀祥（祥仔）、傅嘉莉（Kelly）和裕美、何廣沛等昨日在將軍澳電視城為無綫賀歲劇《財神駕到》試造型。首次做女主角的Kelly坦言收到消息時受寵若驚：「當場喊咗出嚟，好Surprise，覺得公司好錫我。」最近與無綫簽經理人合約的她亦指能與視帝黎耀祥合作而非常緊張：「都有少少壓力，因為自己嘅演技未去到好紮實。」談到有網民大讚她在《張保仔》中表現出色，她即時耍手擰頭：「仲有好多空間改善。」
祥仔脫離兒子魔掌
而首度拍賀歲劇的祥仔被問到身兼台慶劇和賀歲劇兩大重任，會否覺得自己是無綫福將，他表示不敢當：「但咁都好，呢半年都可以係咁見到我，唔使好似上年咁好日都唔見。（冇時間陪仔？）佢都大啦，佢自己都好多節目。」更透露兒子將赴美國升學：「都補習、準備緊美國大學嘅入學試。（脫離你魔掌？）係我脫離佢魔掌！」
V煞裕美無懼指整容
至於激瘦20磅的「V煞版」裕美就透露自己跑足九個月減肥：「係人都知我以前係Pizza面，公司都話我肥腫難分。」問她會否因被指整容而不快，她表示沒所謂：「識睇就自然識睇，信你就自然會信你。」又透露最近跟一個男教練齊齊操，而老公亦認識對方故不擔心傳緋聞。
文：影視組