嘉玲偉仔拒真人騷怕尷尬

劉嘉玲最欣賞老公梁朝偉心地好。

問到二人曾拍親熱戲是否不會尷尬？嘉玲嚇得向後仆一仆再說：「仲尷尬呀，拍《2046》有場戲我要勾引佢都唔掂，王家衛（導演）咪笑我，話我對其他男人唔係咁喎，可唔可以肉緊啲？」偉仔最近拍了一個電眼護膚廣告，她說：「電眼係你哋畀佢好高嘅讚美，但佢唔係用對眼去征服人，係佢嘅工作態度同實力得到大家認同。（你有冇畀佢對眼征服？）咁梗係有，但佢最吸引我係心地好，咁先維持到咁耐。」嘉玲又強調不會跟老公一起拍真人騷，笑指偉仔反應慢要消化，不適合現場錄影。

趙薇紅酒賀曉明

昨晚偉仔與趙薇、謝婷婷等出席積家錶晚宴，梁朝偉認同不想與太太一齊拍戲，因太熟會感尷尬，單是眼神接觸已覺得奇怪，他說：「我就唔係咁想一齊拍戲，但係唔抗拒。（夫妻檔真人騷？）冇興趣，真係好多人邀請，當中有大製作，重金禮聘。（嘉玲話你反應慢？）可能人哋就係鍾意我反應慢。」而趙薇開心透露五年前在法國買下的紅酒酒莊，其紅酒將在中國銷售，有指她包辦黃曉明婚禮的紅酒，趙薇說：「係咩？未傾過，不過係好好主意，希望趕得切。（催他造人？）唔使催，相信佢都心急。」

梁朝偉不想與嘉玲拍戲，對真人騷更加零興趣。	謝婷婷悉心打扮出席晚宴。	趙薇的酒莊將打入中國市場。