譚小環之前於銅鑼灣以六位數字租舖賣小食，近日獲減租約一成，小環受訪問時坦言很滿意，她說：「依家簽多兩年合約，由頭到尾有錢賺，冇諗過唔做，我哋之前已回本，年頭仲分花紅畀員工。」雖然現時內地客減少，小環表示生意亦減少三成，但她們以做香港客為主，因此影響不大，她更謂：「之前諗住喺旺角開分店，不過短期內都唔會，租金仲有下調空間，睇定啲先。」
