方力申怕醜獻聲 拖實Stephy
樂隊D'Topnotes前晚在九展舉行《Our D'Topnotes 60年代的光芒 A Go Go Dance演唱會2015》，演唱會收益將會撥捐兩個長者機構，而天后容祖兒和楊千嬅雖然沒有到場，但仍拍片祝賀演唱會成功。樂隊主音兼著名唱歌老師Christine Samson在台上表示很感謝弟妹從外地回港參與演出，亦謂今次叫埋女兒一起表演，很有一家團聚的感覺。他們亦獲得多位嘉賓獻聲力撐，包括方力申（小方）、鄧麗欣（Stephy）、杜德偉（Alex）、周慧敏（Vivian）、張敬軒、側田等人。
杜德偉學唱歌（Ｒ）折
其中小方與Stephy以情侶檔上陣合唱兩首英文歌，於台上不但深情對望，又甜蜜拖手，大放閃光彈！小方透露跟Christine認識了十多年，最初只是學唱歌：「但慢慢傾偈仲多過學唱歌，之後我哋關係仲變咗做契仔同契媽，雖然我有個咁勁嘅契媽，但都嘥咗，因為我少唱歌，雖然上堂唔使錢。」Christine亦踢爆小方唱歌很怕醜，此時小方即講笑謂：「我係好怕醜，又小器，所以先叫小方！」
然後到Alex出場，他表示跟Christine學唱歌兩年多：「我媽咪以前就教你幾招唱歌，依家就到你教番我，好神奇。」他又講到跟對方同屬「上賓人」，因為兩人母親都是上海人，而父親就是菲律賓人，之後Alex更順勢向對方（Ｒ）折：「咁我以後上堂可唔可以收平啲？」場面搞笑。接住輪到身穿黑裙的Vivian出場，她行去台前準備唱歌，但穿高跟鞋的她步步驚心，更搞笑地叫樂隊等她行定才好起音樂。而軒仔則以壓軸嘉賓身份出場，全黑打扮的他大晒高音冧觀眾。
文：音樂組