周秀娜自摸乳房驚現硬塊

影帝梁家輝昨晚出席雅詩蘭黛集團「關注乳癌運動」活動，同場還有名模樂基兒（Gaile）、藝人周秀娜（Chrissie）、任賢齊、羅霖等，懷有第二胎的羅愛欣挺住巨肚拖着兩歲女兒低調進場。

Chrissie透露早前自我檢查乳房時，摸到疑似「硬塊」的物體，故此立即向醫生查詢，她說：「好彩冇嘢，可以安心，發覺係脂肪嚟，如果走來走去就比較擔心，個個其實都要注意。」

不反對入娛樂圈

家輝表示已是第二年支持該活動，自爆早在十年前便與老婆江嘉年「互相」作檢查，更笑言這是愛的表現，而今次前來的主要目的，是拿預防乳癌的相關小冊子，給予一對寶貝孖女Nikkie及Chloe，然後再交由老婆負責說教。

樂基兒稱很少結交新朋友，只會約朋友聚會。	梁家輝不反對女兒入娛樂圈。	任賢齊以男性角度呼籲女性關注健康。

家輝透露孖女已大學畢業，現留在香港，Chloe更開始工作，提到孖女早前首度亮相品牌活動，家輝表示事前已得悉，他亦不介意：「佢哋都唔係想增加曝光率先去，出席活動可以畀機會佢哋見識，唔係淨係擺個靚Pose，等第二日新聞出。佢哋都話唔做訪問，因為佢哋純粹鍾意同支持個品牌。」問到會否支持孖女入行？他表示：「咁多年都有溝通過，畀好大自由度佢哋選擇人生道路，但冇聽過佢哋想拍戲同唱歌。」

樂基兒頻約朋友

同場的Gaile被問到感情事，例牌迴避說：「暫時都係認識階段。（好多追求者？）自己唔係好接觸新朋友，自己冇結婚冇小朋友，冇屋企人喺香港，做完嘢唔會只坐喺屋企，會約朋友聚會好正常！」另外，小齊不時呼籲女性們，別對婦女檢查感到避忌，每年也要到醫院作檢查。

文：名人組