林莉嫻彈起坐正睇齊文凱玲

女星文凱玲（Connie）、唐紫睿（Hazel）、鍾采羲（Iris）及林莉嫻（Leslie）日前與何浩文（Dominic）及林子善為新片《鴨王2－雞同鴨戀》拍攝內衣及泳衣造型照，幾位「晶女郎」鬥晒火辣身材，Connie以零贅肉fit爆body和迷人眼神預演戲中情挑Dominic場面，非常香艷！Hazel晒44吋美腿，Iris以34E驕人上圍搶鏡，23歲新人「高版陳凱琳」Leslie因拍攝《東網Baby》獲老闆王晶賞識，青春體態非常養眼，王晶亦有監場並指導演員的表情和姿勢。

摸完胸肌讚彈手

影大合照時，Dominic左擁右抱盡顯「鴨王之王」風範，女主角Connie及新人Leslie被器重坐正中間位，Iris及Hazel反而無奈靠邊站。Connie表示為展現完美身形，不惜戒食澱粉質兼瘋狂練跑，減磅至103磅，談到與Dominic有親密接觸，她直言起初緊張生硬，問有否摸對方腹肌？她笑說：「我淨係摸佢個胸咋。（彈手？）OK呀！仲大過我。」

文凱玲（前排左一）、林莉嫻（前排右一）左右伴着何浩文，地位超然。	何浩文伴着四位靚女，疑似凸鵰！	林莉嫻做完《東網Baby》後，即彈起被王晶睇中。

對於被新女Leslie爬頭坐靚位，Hazel和Iris沒有呷醋，還大讚對方，Hazel說：「佢好靚身形又好，作為早佢一代嘅晶女郎係有壓力，但唔怕佢搶地位。」Iris亦說：「《東網Baby》出得點會差！但我唔擔心，自己人冇咩好爭。」受寵若驚的Leslie即賣口乖指兩位師姐為人親切，有教她擺甫士。

鍾采羲性感可愛，一如傻大姐。

唐紫睿不介意被師妹搶風頭。

「大鵰」係「假狗」

Dominic拍攝期間被發現疑似激凸 ，事後他指「大鵰」只是「裝假狗」，澄清並無生理反應：「同公司嘅已經見慣見熟，過程好自然，我係鹹濕，但都係正人君子，一眼都冇望過！」因王晶嫌他太大隻，要特別減磅。問到可會再有露股戲？他說：「加多咗，冇所謂，我底線係冇底線。」

王晶則大讚四女各有特色：「Connie感覺斯文溫柔啲，最近發現佢演技大躍進，我對佢期望好高，希望今次更有驚喜，Leslie就似混血兒有野性感覺，依家比較少搵到呢類女演員，Iris性感得嚟可愛似傻大姐，心口最多肉，Hazel就似王小鳳加邵美琪，感覺硬朗，下套戲佢會演警匪片做madam。」而導演姜國民透露《鴨》片屬IIB級，以神秘感取勝，並非sell純粹裸露。

文：影視組