傅嘉莉習騎出事花容受損

藝人傅嘉莉（Kelly）學習騎術已四、五個月，昨天早上習騎時卻發生意外，除傷及頸、胸和腳外，更擦損面和嘴，她說策騎前已感覺馬兒心情欠佳：「行到一半，我調整吓腳踭，教練行過嚟摸咗佢個頭一下，佢突然原地急轉彎，將我拋咗落地，我係頭落地先，左邊面損晒，下巴花晒，撞親頸背、腰背，睇咗脊醫，話我腰背骨有啲移位，依家心口同腳都好痛。」Kelly說受傷後驚魂未定，幸教練鼓勵她繼續練習，她負傷再度嘗試，終於能克服心理關口，今和明天仍會繼續上堂，非常勇敢。事後Kelly更負傷繼續為無綫李添勝監製的賀歲劇試造型，問為何不請假？她還講笑說：「花面貓留給化妝師處理，塊面搽厚啲粉都遮到，正面打光唔覺嘅，依家多咗個『豬』唇，哈哈！」