郭雪芙睇騷緊張偷閒野餐
【李詠林紐約直擊】台灣女星郭雪芙首度現身紐約時裝周，喜愛時裝的她，原來更愛大自然，她抵達當地後，爭取時間到中央公園野餐，更準備踩單車遊紐約，工作不忘偷閒。
於紐約當地時間17日，穿針織背心配百褶短裙的郭雪芙，以一身優雅打扮現身時裝品牌Marc Jacobs新裝發布會，跟同場多位美國女星包括雲露娜維達（Winona Ryder）、蘇菲亞哥普拉（Sofia Coppola）、姬瑪娜（Kate Mara）和美國老牌女星比提美娜（Bette Midler）等睇騷。
仲想踩埋單車
郭雪芙在到場後大方任影，她表示這是她首次到紐約欣賞時裝騷，她說：「第一次好緊張，我嚟咗幾日，去咗shopping ，之前又去咗中央公園野餐，想去埋踩單車，咁就唔使行得咁耐。」人稱「國民女神」的她，未知野餐時，有否引來狂蜂浪蝶呢？而騷後郭雪芙更與品牌設計師Marc Jacobs合照。
樂隊現場演奏
是次時裝騷於劇院內舉行，現場有樂隊奏樂，有女侍應穿着制服短裙，給賓客提供汽水和爆谷，模特兒逐一由室外的紅地氈步行到劇院內，安坐在劇院內的賓客感覺恍如置身電影頒獎禮中，別有趣味。