無論從事邊種行業，任職乜嘢崗位，都需要講求動力先至可以得到理想嘅成績。不過如果問內地嫩模布萊爾昆娜，佢嘅工作及人生原動力係乜嘢時，相信佢一定會話畀大家知，佢不過係盡量展現出自己最靚同埋最具實力嘅一面，而為咗做到呢點，每日更不斷鞭策自己。
可能有人會問點解呢位內地嫩模個名咁怪，似係外國人多啲喎！今年23歲、英文名Blair Queena嘅佢，之所以擁有個好似外國人名字，皆因佢其實係中越混血兒，喺北京朝陽出生。受益於混血兒嘅血統，不但令佢擁有與別不同嘅外形，並且天生一副令男士心跳加速嘅玲瓏浮凸身材。不過大家咪以為年紀輕輕嘅佢，模特兒經驗唔多，事實上佢早喺2007年以15歲之齡參加第8屆CCTV模特電視大賽，更被評為十佳模特兒。此外，先後喺中國品牌內衣走秀天使，及全國平面模特大賽中獲得新秀獎。除咗證明佢天賦條件過人同外形出眾外，更天生係個模特兒材料，受益於比賽出色嘅成績，頻頻喺平面媒體及廣告中亮相。
阿妹喺平面模特兒比賽有優異成績之餘，衣着更係相當有品味，而佢敏銳嘅時裝觸覺，更贏得最佳衣着藝人嘅美譽。作為一個獲獎頻頻嘅模特兒，同時又勇於拍攝大膽露出嘅性感寫真，最重要係得到超高人氣，究竟有乜嘢可以令佢如此努力呢？據佢喺個人微博上透露，原因有兩個，第一係金錢，第二則係相信自己嘅實力。佢解釋並非因為貪錢，而係呢生人唔想糾纏喺麵包同愛情之間，情願心儀嘅男士畀到佢愛情，而麵包佢自己買就得。從佢言語間感受到獨立嘅個性，同埋對愛情嘅執着。對於實力，佢表示：「最痛苦嘅事唔係失敗，而係冇盡力去做好件事。」換言之，佢唔想因自己冇盡到力而後悔。憑住呢種自我鞭策，雖然獲得優異嘅成績，但換嚟嘅卻係經常失眠，真係辛酸呀！
布萊爾昆娜混血兒嘅外形確係有別於一般內地嫩模，亦因為呢個唔同嘅地方，加上前凸後趷嘅誘人身材，令佢喺模特兒界擁有超高人氣。不過講到佢最吸引嘅地方，卻非佢嘅外形，而在於佢爽直又坦率嘅性格，想知道更多阿妹鏡頭後嘅生活點滴，就要Click入佢嘅微博（目及）（目及）。
網址：www.weibo.com/u/1795204895
出生地：北京朝陽
身高：167cm
三圍：35、26、34
撰文：魂