黃紫盈遭邵仲衡電暈
由主播轉戰主持的黃紫盈（Connie）、邵仲衡（David）和三皇集團有限公司董事總經理王賢誌，昨日在九龍城出席由三皇集團舉行的全新「古漢養生精」發布會。首次接觸廣告拍攝的Connie大爆被拍檔邵仲衡電到暈：「佢好厲害，今次我要交少少戲。雖然David話自己生得我出，但佢好charming，畀佢電到廣告都拍唔成！」提到她有否因而不斷NG？Connie透露為廣告苦練笑容：「有，但唔算多，都take得幾順利。今次有照鏡練吓含蓄啲笑。」
自爆太太受惠
至於邵仲衡表示月前重新活躍幕前令睡眠質素稍遜：「開頭都唔慣，休息得唔係咁好。但我食咗產品就瞓到流口水，流到枕頭都濕埋！」談到未適應忙碌日程的他有否其他健康問題？代言「古漢養生精」補腎產品的邵仲衡就搞笑自認有衝勁：「我做運動都好密，算成日做gym！至於我喺其他嘢就不嬲有衝勁，（太太讚你叻？）唔話你聽！（太太受惠？）ok！」
提到工作滿滿的他是否豬籠入水？邵仲衡笑稱滿意酬勞：「我近期為漫畫拍廣告扮火雲邪神，化咗三個鐘妝，好好玩！仲有其他財務同保險公司廣告，幾好生意！可能我年紀老，咁人口老化令我（變得）有需求。（賺幾位數？）酬勞滿意，錢嘅多少就唔係首要。」
文：影視組