雨僑感冒咳到嘔

歌手雨僑昨日聯同樂隊Soler和張惠雅出席音樂會記招，有幾聲咳的雨僑透露患上感冒，更試過咳到嘔：「我唔識咳痰，早兩日我喺屋企試吓咳痰，試咗好耐，點知咳到嘔，嘔到成屋都係，跟住自己要用番1:99（漂白水）趴喺度抹番。」她透露最近拍跑步真人騷故努力練跑：「我第一次跑嗰陣跑咗三分鐘就好暈，見到星星，之後愈跑愈好，依家都跑到3、4K，但點知就病咗，要休息一排。」問可會叫男友羅力威一起練跑？她謂沒有，因男仔體能比女仔好，自己亦跑得很慢。至於Soler成員Dino自爆本月23日太太將會誕下第二個囝囝。