李嘉欣送仔寄宿學獨立

「大美人」李嘉欣昨日為無綫節目《閨密教煮》擔任嘉賓,幸福少奶奶李嘉欣笑謂自己最拿手是煮即食麵,自詡充滿藝術。對兒子李嘉欣沒有溺愛寵壞,打算小學後期送兒子到外國寄宿讀書,讓他學習獨立。

李嘉欣(Michele)昨日為側田與梁家玉主持的無綫節目《閨密教煮》擔任嘉賓,李嘉欣自言今次是來品嘗美食,笑言無謂獻醜下廚:「自己驚血所以好少掂肉,我識整甜品、西餅。(最叻係煮乜?)最叻係煮即食麵,哈哈,即食麵都有藝術o架,試過整甜品buffet,十幾款靚靚影吓相都幾開心。」

未試過老公手勢

有老公許晉亨愛錫的李嘉欣過着幸福少奶奶生活,問到老公最讚賞她煮甚麼?她笑說:「可能男人唔係咁鍾意食甜品,佢鍾意食肉、牛扒,我整完啲甜品佢唔係好欣賞。(老公煮嘢叻過你?)佢講就好叻,話整呢個餸好勁,但結咗婚幾年都未食過,係一個傳說。(恨老公煮一次?)反而希望第日一家三口一人煮一個餸。」

鍾意男仔硬淨啲

李嘉欣疼愛兒子許建彤,但卻沒有寵壞兒子,打算小學後期送兒子到外國寄宿讀書,讓他學習自立,她說:「男仔要獨立,但香港環境好難訓練到佢獨立,可能小學後期會送佢去寄宿,等佢識朋友、知多啲嘢,冇人幫佢,我鍾意男仔硬淨啲。(捨得個仔寄宿?)我諗我會移民,唔放心、唔捨得,可能會喊一個月。」李嘉欣透露兒子飲食平常簡單,兩母子間中會齊齊做Pizza、朱古力蛋糕享受親子樂趣,她說:「有啲朋友連糖、朱古力都唔畀小朋友食,我就唔會嘅,遲早都要接觸呢個花花世界。」

採訪:影視組