麥明詩見樂易玲：自己抵得鬧

出爐港姐麥明詩、龐卓欣、郭嘉文、林凱恩與落選港姐羅丹虹、吳佩欣、朱嘉莉、馬詩晴等昨日到將軍澳電視城，與高層樂易玲見面商談發展。麥明詩指自從參選期間與樂小姐見面後未再接觸，近期與緋聞律師男友林作的新聞鬧得熱烘烘，問今次見面會否擔心被樂小姐責備？她說：「我唔知樂小姐惡唔惡，但自己都抵得鬧，自己份人好承受到鬧。大家傾吓偈，都有啲擔心，但好多嘢唔係我控制到，我已經好低調。」講到有指她「收兵」搞關係？麥明詩笑說：「都係雜誌延續故事，自己可能喺外國讀書，溝通方法直接啲，香港人可能唔係好習慣。」

羅丹虹狂食肥4磅

落選佳麗朱嘉莉（Sunshine）由選美開始減磅，到現時仍保持體態，她說：「啱啱仲去咗台灣旅行，有食嘢但冇肥番，可能身體習慣咗。」身為眼科醫生學生的她會否留港發展﹖她說：「都想試吓，屋企人好支持，自己都想試吓拍劇做主持。」

樂易玲	落選港姐吳佩欣（左一）和羅丹虹（左二）對幕前工作有興趣。	林凱恩（左起）、龐卓欣、麥明詩和郭嘉文齊齊返公司見高層傾工作。

參選時減肥暴瘦的羅丹虹，選美後可以放肆大吃大喝，體重立即增加3、4磅，她說：「自己都脹咗，肥咗3、4磅，可以唔使戒口食牛扒同零食。」除了希望一試幕前工作，亦樂意參與幕後工作寫劇本。吳佩欣則想向新聞主播方面發展。

盡快安排港姐拍劇

事後記者致電樂小姐，她表示昨日與高層曾勵珍與區偉林等與港姐見面，問有否向麥明詩「照肺」？她笑稱：「使乜？我都冇問感情事，佢咁嘅條件同年紀嘅女仔，冇男朋友先唔正常。（安排新科港姐盡快拍劇？）都會，趁觀眾印象深刻。」談到不少人將同樣優秀的師姐陳凱琳與麥明詩比較，樂小姐說：「咁對佢兩位都唔公平，佢哋受歡迎程度係不相伯仲，Grace（陳凱琳）有演戲天分，我哋都會安排麥明詩去試。」

採訪：影視組